TEDxTbilisi დაბრუნდა! მეათე საიუბილეო ღინოსიძიების ერთ-ერთი მხარდამჭერი და სპონსორი SWEFLAND Group-იც იყო. 22 აპრილს, ექსპო ჯორჯიას პავილიონში ფორუმმა შეკრიბა წამყვანი სპეციალისტები და ლიდერები სხვადასხვა სფეროებიდან, როგორიცაა ტექნოლოგია, მეცნიერება, დიზაინი, ხელოვნება და კულტურა.
ღონისძიების მთავარ თემად “გარდამტეხი მომენტები” შეირჩა. საკუთარი გამოცდილების და იდეების გასაზიარებლად სცენაზე ვიხილეთ: ირაკლი კაკაბაძე, მედეა ტაბატაძე, გიორგი ქვლივიძე, ნინი გოგიჩაიშვილი, რევაზ ღოღობერიძე, ეკატერინე ბერიშვილი-ბერნი და დავით ბირმანი. როგორც განვითარების და ინოვაციების მხარდამჭერი კომპანია SWEFLAND Group-ი ასევე გახდა ღონისძიების ნაწილი და საკუთარ კუნძულზე სტუმრებსაც უმასპინძლა.
TEDxTbilsi მოხალისეობრივ კონცეფციაზეა აგებული და მის განხორციელებაში წელს წვლილი SWEFLAND Group-მაც შეიტანა, რაც გახდა პირველი თანამშრომლობა ფორუმსა და კომპანიას შორის.
TEDxTbilisi არაკომერციული ღონისძიებაა, რომელიც 2012 წლიდან ლიცენცირებულია TED-ის მიერ. ის მსოფლიოს სხვადასხვა კუთხიდან უამრავ ადამიანს აერთიანებს. TEDxTbilisi ყოველწლიურად ასობით სტუმარს მასპინძლობს სხვადასხვა ინდუსტრიების წამყვან სპეციალისტებთან და ექსპერტებთან შესახვედრად.
SWEFLAND Group გთავაზობთ კვალიფიციურ დახმარებას უძრავი ქონებისა და ინვესტიციების სფეროში. მსგავსი ტიპის პრესტიჟული ღონისძიებების მხარდაჭერით, კომპანია აფიქსირებს მზადყოფნას პროფესიული კავშირებისა და ცოდნის გაფართოებაში.